პრობლემის იდენტიფიცირება და მათზე რეაგირება

მომხმარებელთა ინტერესების დარღვევის თაობაზე საზოგადოებრივი დამცველის სამსახურში ინფორმაციის მიღების ძირითადი წყაროა:

• მომხმარებლის წერილობითი განცხადება/საჩივარი

• მომხმარებლის სატელეფონო შეტყობინება

• ელექტრონული კომუნიკაციის საშუალებით (მათ შორის სოციალური ქსელი) გადმოგზავნილი განცხადება/საჩივარი

მომხმარებელთა ინტერესების საზოგადოებრივი დამცველის სამსახური განიხილავს მომხმარებელთა საჩივრებს ელექტრონული საკომუნიკაციო მომსახურების შემდეგ სახეებთან დაკავშირებით:

• ფიქსირებული სატელეფონო მომსახურება

• მობილური სატელეფონო კავშირით მომსახურება

• ინტერნეტით მომსახურება

• მაუწყებლობის ტრანზიტით მომსახურება

მომხმარებელთა ინტერესების საზოგადოებრივი დამცველის სამსახურის კომპეტენციაში შედის შემდეგი საკითხების შესწავლა და განხილვა:

• მომხმარებლის არასათანადო ინფორმირება მომსახურების მიწოდების პირობების თაობაზე

• ელექტრონული საკომუნიკაციო მომსახურების მიწოდების შესახებ სააბონენტო ხელშეკრულების პირობები

• ელექტრონული საკომუნიკაციო კავშირის დაზიანება

• მომსახურების საფასურის დარიცხვის სისწორე და სადავო დავალიანება

• მომსახურების პირველადი ჩართვა

• მომსახურების შეზღუდვის ან/და შეწყვეტის პირობები

• „ელექტრონული კომუნიკაციების სფეროში მომსახურების მიწოდების წესისა და მომხმარებელთა უფლებების დაცვის შესახებ“ რეგლამენტით განსაზღვრული სხვა საკითხები.